المغتربون : وجرجير حسين خوجلي

حيدر احمد خيرالله

المغتربون : وجرجير حسين خوجلي!!1/2

*{لكن هذه الهجرات المتدفقة ، إنتو خالين البلد دي لي منو ؟بعدين والله الزول مهما لقى بره انا شخصيا بقوم بقول ليهم :لو قعدت شحاد فى السودان ده مامكن اطلع بره اهاجر، الإحساس بانك مواطن درجة عاشرة اصلا مابتغادرك ،تضطر للنفاق وتضطر للإنكسار يعنى انا بقول ليهم احسن حاجة فى السودان ده تلقى عامل يقل ادبه علي صاحب العمل ويقل ادبه علي الدكتور ، ذاتها قلة الادب دي جزء من الكرامة، أي زول هناك مؤدب رغم انفه مذلول رغم انفه وداير يوري نفسه هو زول مسكين وود ناس حتى ضد مشاعره لما يجيك زاتو يجيك تفل بقايا انسان }

* هذا جزء من حديث حسين خوجلي فى برنامج الرجل الواحد بقناة امدرمان ، والمؤسف انه يتساءل بقدر كبير من العبط (انتو خالين البلد دى لي منو ؟) تركوها للصوص لايسمون فى قاموس اللغة لصوص، وتركوها لنظام تحكمت فيه جماعتك وأتت فيه على الاخضر واليابس ولم تترك لكريم كرامة ولا لحر حرية ولا لجائع لقمة فتدفقت الهجرات زرافات ووحدانا لتطعم افواه لن يستطيعوا اطعامها لو بقوا مكانهم مستجيبين للعلي القدير (الم تكن ارض الله واسعة فتهاجروا ) صدق الله العظيم ، وتقول : (لو قعدت شحاد فى السودان ماممكن اهاجر) وهذا صحيح .. لأنك تعرف ياعزيزى من اين تؤكل كتف المال السودانى بسلطة انقلاب مهدت له لسرقة سلطة فلماذا تهاجر ؟ وبربك قل لي – يارعاك الله – كيف لخريج فلسفة أن يمتلك قناة وصحيفة وعقارات وماخفي ؟أهي عبقرية فيك ام المعرفة بمسالك استغلال امكانات دولة فى غفلة من الزمن وضمير فى بيات شتوي ؟

* اما حكاية الإحساس بانك كمغترب مواطن درجة عاشرة احساس لايغادرك ،فالحسين لم يدخل هذه التجربة فكيف اطلق الحكم على عواهنه ليتحدث عن تجربة لم يعشها؟ ليبني عليها حكمه المطلق بفجاجة ؟ ونحن فى بلادنا قد عايشنا واقعاً سودانياً لم نجد فيه حتى الدرجة العاشرة ، الم تصدر كشوفات الصالح العام التى أحالت الاف الاسر الى درجات ادنى من الشحادين؟ الم نشاهد بأم اعيننا كيف تنتهك الحريات العامة وكيف تجلد النساء ؟ الم تخرج تقارير المراجع العام سنوياً بمليارات الجنيهات المنهوبة من المال العام ؟والله لقد طفنا وعملنا فى عدد الدول العربية وكان الانسان السودانى نموزجاً مشرفاً للجنسية التى يحملها ولم نكن مساكين او مذلولين فان سمعت بقلة على الحال التى وصفت فذلك هو الاستثناء الذى يثبت القاعدة ولكن طريقتك التى نعرفها على ان يكون الاستثناء هو القاعدة ، وحمى الله مغتربينا من الصورة التى حاولت بثها..

*والحسين يسئ مستمعيه حين يقول : (احسن حاجة فى السودان ده تلقى عامل يقل ادبه علي صاحب العمل ويقل ادبه علي الدكتور ، ذاتها قلة الادب دي جزء من الكرامة، )هل هذا الحديث يمكن ان يصدر من داعية (لمشروع حضاري)؟ كيف لقلة الادب ان تكون جزء من الكرامة؟ الم يقل النبي الكريم عليه افضل الصلاة واتم التسليم ( انما بعثت لأتمم مكارم الاخلاق ) فكيف تكون عدم الاخلاق جزء من الكرامة؟ اما ان قصد حسين خوجلي أن صاحب مليارات بخس حق عامل فى دريهمات فأسمعه مالايرضيه فهذا اصرار على اخذ الحق لايعني قلة أدب بل هو ارفع مراقي الأدب وليس كما تم الإلتواء بأن قلة الادب جزء من الكرامة ، وربما تكون كذلك عند هذه الجماعة وسنواصل مع جرجير حسين خوجلي !!وسلام ياااااااوطن ..

سلام يا

( قال السيد / إبراهيم الميرغني ، إن "الميرغني أصدر قراراً من مقر إقامته بالعاصمة البريطانية لندن قضى بعودة مجموعة تيار تصحيح المسار بقيادة أبوسبيب إلى الحزب( وهل ستعود المجموعة ام ستقول : نحنا مالعبة يفصلنا الإبن ويرجعنا الأب ؟ وياقلبي لاتحزن .. وسلام يا..

الجريدة السبت 15/8/2015
haideraty@gmail.com