السبت، 1 أغسطس، 2015

الحملة القومية لمقاطعة شركات الاتصالات السودانية


السلام عليكم يا شباب،،

يالا انشروا الصورة دي وغيروا بروفايلاتكم بالصورة دي.
حددنا موعد 1/8 /2015 بداية الحملة.

...

ﻳﺎﺷﺒﺎﺏ ﺭﻛﺰﻭﺍ ﻣﻌﺎﻱ : ﺍﻟﺸﺒﻜﺎﺕ ﺩﻱ ﻣﺴﺘﺨﺪﻣﺔ ﻓﻜﺮﺓ ﺍﻧﻨﺎ ﺟﺎﻳﻄﻴﻦ ﻭﻣﺎﻓﻲ ﺷﺊ ﻣﺮﺗﺐ .. ﻭﺣﺘﻰ ﻟﻮ ﻓﻲ ﺗﺮﺗﻴﺐ ﻑ ﻫﻮ ﻻﻳﺮﻗﻰ ﺍﻟﻰ ﻣﺴﺘﻮﺍﻫﻢ .. ﻭﻻ ﺍﻟﻰ ﻣﺴﺘﻮﻯ ﻳﺠﻌﻞ ﺍﻟﺸﺮﻛﺎﺕ ﺩﻱ ﺗﺨﺴﺮ .. ﻟﺬﻟﻚ ﺣﺎﺩﻳﻜﻢ ﻓﻜﺮﺓ ﻭﺍﻟﻠﻪ ﻟﻮ ﺍﺗﻌﻤﻠﺖ ﺗﻨﺰﻝ ﺍﻟﺸﺒﻜﺎﺕ ﺩﻱ ﻓﻲ ﺍﻻﺭﺽ .. ﺑﺈﺫﻥ ﺍﻟﻠﻪ .. ﺑﺲ ﺍﻟﻨﺎﺱ ﺗﻮﺍﻓﻖ ﻋﻠﻴﻬﺎ ﺑﺪﻭﻥ ﺗﻨﻈﻴﺮ ﻭﺑﺪﻭﻥ ﺍﻋﺘﺮﺍﺽ ﻭﺑﺪﻭﻥ ﺍﻓﻜﺎﺭ ﺟﺪﻳﺪﺓ .
ﻃﺒﻌﺎ ﻣﺎﻓﻲ ﻫﺪﻑ ﻓﻲ ﺍﻟﺪﻧﻴﺎ ﺩﻱ ﺑﻴﺤﺼﻞ ﺑﺪﻭﻥ ﺗﻀﺤﻴﺔ .. ﺳﻤﻌﺘﻮﺍ؟؟؟ ﺗﻀﺤﻴﺔ ﻳﻌﻨﻲ ﺗﻀﺤﻴﺔ ﻳﻌﻨﻲ ﺗﻀﺤﻴﺔ .. ﺗﻀﺤﻲ ﺑﺎﻟﻨﺖ ﻭﺍﻟﻤﻜﺎﻟﻤﺎﺕ ﻓﻲ ﺳﺒﻴﻞ ﻫﺪﻓﻚ ..


عندنا طريقتين: 
دي الطريقة اﻷولى وحنكتب التانية لاحقا ان شاء الله.


ﺍﻟﺠﺪﻳﺪ ﻓﻲ ﺍﻟﻤﻮﺿﻮﻉ ﺍﻧﻮ ﻣﺎﺣﺎﻗﻮﻝ ﻟﻴﻜﻢ ﻗﻔﻠﻮﺍ ﺗﻠﻔﻮﻧﺎﺗﻜﻢ .. ﻻﻧﻬﺎ ﺍﻟﺤﺮﺏ ﺑﺘﺤﺘﺎﺝ ﻻﺳﺘﺮﺍﺗﻴﺠﻴﺔ ﺟﻴﺪﺓ .. ﻟﻮ ﺣﺎﻭﻟﺖ ﺗﻘﺎﺗﻞ ﻛﻞ ﺍﻋﺪﺍﺋﻚ ﻓﻲ ﻧﻔﺲ ﺍﻟﻠﺤﻈﺔ ﺣﺘﺸﺘﺖ ﺗﺮﻛﻴﺰﻙ ﻭﺟﻬﻮﺩﻙ ﻭ ﺣﺘﺨﺴﺮ .. ﻟﺬﻟﻚ ﺣﻨﺎﺧﺪ ﻛﻞ ﻋﺪﻭ ﻋﻠﻰ ﺣﺪﺓ . ﻭﻧﺮﻛﺰ ﻋﻠﻴﻬﻮ.
.
ﻧﺮﻣﻲ ﻛﻞ ﺷﺮﻛﺔ ﻋﻠﻰ ﺣﺪﺓ .. ﻭﺣﻨﺒﺪﺃ ﺑﺸﺮﻛﺔ ﺯﻳﻦ .. ﻟﺴﺒﺐ ﺑﺴﻴﻂ ﻭﻫﻮ ﺍﻧﻬﺎ ﺃﻭﻝ ﺷﺮﻛﺔ ﻫﺎﺗﻒ ﺳﻴﺎﺭ ﻓﻲ ﺍﻟﺴﻮﺩﺍﻥ ﻭﺧﺪﻣﺎﺗﻬﺎ ﻣﺎﺷﺔ ﻻﺳﻮﺃ .. ﻭﺑﻌﺪﻳﻦ ﻓﻲ ﺳﻮﺩﺍﻧﻲ ﻭﺑﻌﺪﻳﻦ ﺷﺮﻛﺔ ( ﺍﻡ ﺗﻲ ﺍﻥ ) .. ﺍﺧﺘﺼﺎﺭﺍ ﻧﺴﻤﻴﻬﺎ ﺃﺭﻳﺒﺎ .

ﺍﻟﻰ ﺗﻔﺎﺻﻴﻞ الحملة :

مثلا نقول ﺍﻟﻬﺪﻑ ﺷﺮﻛﺔ ﺯﻳﻦ
نحدد فترة للمقاطعة : ﺛﻼﺛﺔ ﺃﻳﺎﻡ ( أو يتم تحديدها لاحقا )


ﺍﻟﻄﺮﻳﻘﺔ : ﺗﺸﺘﺮﻱ ﻟﻴﻚ ﺃﻱ ﺑﻄﺎﻗﺔ ﺗﺎﻧﻴﺔ ﺃﺭﻳﺒﺎ ﺃﻭ ﺳﻮﺩﺍﻧﻲ،، ﺗﻐﻴﺮ ﺍﻟﺤﺎﻟﺔ (ﺍﻻﺳﺘﺎﺗﻮﺱ ) ﺑﺘﺎﻋﺘﻚ ﻓﻲ ﺍﻟﻮﺍﺗﺲ ﺍﻧﻮ " ﻳﺎ ﺟﻤﺎﻋﺔ ﺗﻠﻔﻮﻧﻲ ﺍﻟﺰﻳﻦ ﺣﻴﻜﻮﻥ ﻣﻘﻔﻮﻝ ﻟﻤﺪﺓ ﺛﻼﺛﺔ ﺃﻳﺎﻡ ﻭﺍﺗﺼﻠﻮﺍ ﻋﻠﻲ ﻓﻲ ﺭﻗﻤﻲ ﺍﻟﺠﺪﻳﺪ ﺩﺓ :" ( ﺗﻜﺘﺐ ﺭﻗﻤﻚ ﺍﻟﺠﺪﻳﺪ ) .. ﻭﺗﺨﻠﻲ ﺍﻟﻜﻞ ﻳﺸﻮﻑ ﺍﻟﺤﺎﻟﺔ .. ﺗﻄﻠﻊ ﺷﺮﻳﺤﺘﻚ ﺯﻳﻦ ﺑﺮﺓ ﺍﻟﻤﻮﺑﺎﻳﻞ .. ﺗﺸﻐﻞ ﺷﺮﻳﺤﺘﻚ ﺍﻟﺠﺪﻳﺪﺓ ( ﺳﻮﺍﺀ ﻛﺎﻧﺖ ﺍﻡ ﺗﻲ ﺇﻥ ﺃﻭ ﺳﻮﺩﺍﻧﻲ ) ﻭﺗﺸﺘﺮﻙ ﻓﻴﻬﺎ ﻧﺖ ﻭﺗﺸﺘﺮﻙ ﺃﻱ ﺧﺪﻣﺔ ﺍﻧﺖ ﻋﺎﻳﺰﻫﺎ .. ﻣﺎﺑﻤﻨﻌﻚ .. ﻃﺎﻟﻤﺎ ﺇﻧﻚ ﻣﻄﻠﻊ ﺍﻟﺸﺮﻳﺤﺔ ﺍﻟﻤﺴﺘﻬﺪﻓﺔ (ﺯﻳﻦ ) ﺑﺮﺓ ﺍﻟﻤﻮﺑﺎﻳﻞ .. ﻭﺑﻜﺪﺓ ﺗﻜﻮﻥ ﻣﺘﻮﺍﺻﻞ ﻣﻊ ﺍﻟﻨﺎﺱ .. ﻭﺧﺎﺷﻲ ﻧﺖ ﻭﺍﻣﻮﺭﻙ ﺯﺍﺍﺍﺍﺑﻄﺔ .. ﻭﻟﻮ ﻋﺎﻳﺰ ﺗﺘﻮﺍﺻﻞ ﻣﻊ ﺍﻱ ﺯﻭﻝ ﺣﺘﺘﻮﺍﺻﻞ .. ﻭﺍﻟﺠﺎﻳﻴﻚ ﺗﻮﺻﻒ ﻟﻴﻬﻮ ﻭﺍﻟﻤﺎﺷﻲ ﻋﻠﻴﻬﻮ ﻳﻮﺻﻒ ﻟﻴﻚ .. ﻭﺷﺮﻛﺔ ﺯﻳﻦ ﺗﺮﻭﺡ ﻓﻴﻬﺎ .. ﻭﺧﻼﻝ ﺍﻟﺘﻼﺗﺔ ﺃﻳﺎﻡ ﺣﻨﺸﻮﻓﻬﺎ ﻭﻫﻲ ﺗﻨﻬﺎﺭ .. ﺑﺎﻗﻲ ﺍﻟﺸﺒﻜﺎﺕ ﻋﻨﺪﻫﺎ ﺍﻟﺨﻴﺎﺭ : ﺍﻣﺎ ﺗﺘﻌﻆ
ﺑﻐﻴﺮﻫﺎ ﺍﻭ ﺗﺴﺘﻨﻰ ﺩﻭﺭﻫﺎ ﻭﺗﺘﻌﻆ ﺑﻨﻔﺴﻬﺎ .. ﻭﺍﻟﺴﻌﻴﺪ ﻣﻦ ﻭﻋﻆ ﺑﻐﻴﺮﻩ .


**ﻋﺸﺎﻥ ﻧﻜﻮﻥ ﻭﺍﻗﻌﻴﻴﻦ ﻣﺎﻓﻲ ﺯﻭﻝ ﺣﻴﻘﺪﺭ ﻳﻘﻔﻞ ﺗﻠﻔﻮﻧﻮ ﻧﻬﺎﺋﻲ .. ﻟﻜﻦ ﺍﻟﻮﺍﺣﺪ ﺑﻴﻘﺪﺭ ﻳﻐﻴﺮ ﺭﻗﻤﻮ ...
ﺍﻟﻤﻄﺎﻟﺐ : ﻛﻠﻨﺎ ﻋﺎﺭﻓﻴﻦ ﻣﻄﺎﻟﺒﻨﺎ من تحسين لخدمات النت والاتصال.. ﻟﻜﻦ ﺣﺎﻛﺘﺒﻬﺎ ﻟﻴﻜﻢ ﺑﻌﺪ ﻛﻢ ﻳﻮﻡ ﻛﺪﺓ ﺑﻄﺮﻳﻘﺔ ﻣﺮﺗﺒﺔ ﻭﻣﻨﻄﻘﻴﺔ ﻭﻋﻘﻼﻧﻴﺔ .
ﺍﻟﺘﻀﺤﻴﺔ ﻭﻳﻴﻴﻴﻴﻴﻦ ﻓﻲ ﺍﻟﻤﻮﺿﻮﻉ؟؟؟ ﺍﻟﺘﻀﺤﻴﺔ ﻓﻲ ﺍﻧﻚ ﻟﻮ ﻣﺸﺘﺮﻙ ﻧﺖ ﺷﻬﺮ ﻭﻣﺎ ﺍﻧﺘﻬﻰ ﺗﻀﺤﻲ ﺑﻴﻬﻮ .. ﻭﻟﻮ ﻧﺎﺱ ﺍﻟﺒﻴﺖ ﻣﺎ ﻋﻨﺪﻫﻢ ﺷﺮﺍﻳﺢ ﺍﻻ ﺯﻳﻦ ﺗﻤﺸﻲ ﺗﺸﺘﺮﻱ ﻟﻴﻬﻢ ﺍﺭﻳﺒﺎ ﻭﺳﻮﺩﺍﻧﻲ .. ﻛﻠﻬﺎ ﺗﻼﺗﺔ ﺍﻳﺎﻡ ﺑﺲ ..
ﺑﺎﻟﻨﺴﺒﺔ ﻟﻠﻨﺎﺱ ﺍﻟﻠﻲ ﺷﺎﻳﻔﻴﻦ ﻧﻔﺴﻬﻢ ﻣﺎ ﻣﺘﻀﺮﺭﻳﻦ ﺍﻗﻴﻔﻮﺍ ﻣﻌﺎﻧﺎ ﻭﻃﻠﻌﻮﺍ ﺍﻟﺸﺮﺍﻳﺢ ﺑﺮﺓ .. ﺳﺎﻧﺪﻭﻧﺎ ﺳﺎﺍﺍﺍﻱ ﻛﺪﺓ .. ﻭﻳﻦ ﻧﺎﺱ ﺍﻟﺤﺎﺭﺓ؟؟ ﻫﻴﻴﻴﻴﻴﻊ ..


ﻃﺒﻌﺎ ﻣﺎﻓﻲ ﻭﺍﺣﺪ ﻳﺴﺄﻟﻨﻲ ﺣﻨﻌﻤﻞ ﺷﻨﻮ ﺑﻌﺪ ﺗﻼﺗﺔ ﺃﻳﺎﻡ؟؟؟؟ ﺍﺍﺍﺍﺍﺍﺍﻳﻮﺓ
ﻋﺮﻓﺘﻮﻫﺎ ..
ﻧﻐﻴﺮ ﻟﺸﺒﻜﺔ ﺳﻮﺩﺍﻧﻲ ﻣﺒﺎﺷﺮﺓ .


# ﻧﺤﻦ _ ﻣﻘﺎﻃﻌﻴﻦ
ﺃﻫﻢ ﻣﺎﻓﻲ ﺍﻟﻤﻮﺿﻮﻉ : " ﻭﻻ ﺗﻘﻮﻟﻦ ﻟﺸﺊ ﺇﻧﻲ ﻓﺎﻋﻞ ﺫﻟﻚ ﻏﺪﺍ ﺇﻻ ﺃﻥ ﻳﺸﺎﺀ ﺍﻟﻠﻪ
"


تم تحديد الموعد:
الشركة المستهدفة : زين
من بداية اغسطس ولغاية اليوم التالت 
1-3/8/2015